Spaljivanjem Mićela Hiltonića završila dvomjesečna vladavina Špažićara
Spaljivanjem mesopusta Mićela Hiltonića završeno peto – najluđe godišnje doba!
Nakon osam tjedana vladavine, Špažićari su se oprostili od ovogodišnjeg karnevalskog doba uz bogat i raznolik program. Svake subote i posljednji petak uoči karnevalske povorke u Rijeci, u Narodnoj čitaonici Kostrena Sv. Lucija organizirali su maškarane tance i dvije dječje redute za male maškarice. U vrijeme svoje vladavine, Špažićari su sudjelovali na dva maškarana rallyja, priredili četvrto izdanje Špažićarskog maškaranog kotlića i ponosno predstavljali svoj kraj na gostovanjima diljem riječkog prstena kao i na 42. Riječkom karnevalu, impresivnom maskom Kostrenske kačke.
Nakon tradicionalne Marće po Kostrene završni čin odvio se na Veloj rivi u Žurkovu, gdje je predsjednik Špažićara Dario Modrić simbolično vratio ključeve Općine načelniku Draženu Vraniću. Spaljivanjem mesopusta Mićela Hiltonića zaključena su ovogodišnja maškarana događanja, ostavljajući iza sebe uspomene na još jednu nezaboravnu sezonu veselja, plesa i pozitivnih emocija.
Tužitelj je Mićela okrivio za mnoge nedaće:
Ča nan inflacija požere se plaće i penzije pa nan niš ne ostaj
Ča va povorke opet ni bilo našeh pomorci Roša, Seba, Vladića, Enca, Tomija i još nekeh ki su bili bolni
Ča je meštrica Jelena razbila koleno i finila na operaciju pa je ni bilo na Korzu, a ni čera va Marće;
Ča je Rošo šundral poplat od postoli va Budve;
Ča se Dragan moči po dažju, a kabanica mu je va žepu;
Ča je Dea pljusnula va Čapljine i natukla ruku;
Ča nan je bus s ken smo šli na ljetni karneval va Senj zapel va Selcu pa smo kasnili;
Ča nan se važgal zvučnik na Pećinami kad smo se vraćali z Korza;
Ča nismo imeli aparata za gašenje pa smo požar na zvučniku gasili mineralnon vodon;
Ča je Draganu partil kiler od grijanja na kombiću;
Ča je fanj člani za vrime maškar opet bilo bolno;
Ča se ni ovo leto nismo rešili nesnage na moru i va zraku od rafinerije;
Ča neki člani nisu bili ni na jedne probe koreografije pa va povorke nisu znali kade rabi stat;
Ča neki člani ne misle z svojun glavun kad rabi;
Ča nan je jedan zvučnik krepal na Korzu;
Ča neki člani udruge spe dok su maškare, a drugi misle samo na sebe i za drugeh ih ni preveć briga;
Ča je Edi moral poć va Italiju pa ga ni bilo čera ni danas z nami.